Home > Articles > Digital Product အများစုက မအောင်မြင်ကြပါဘူး ။

Digital Product အများစုက မအောင်မြင်ကြပါဘူး ။

Digital Product အများစုက မအောင်မြင်ကြပါဘူး ။

Ko Aung Pyae Phyo | 30 September, 2020

Article Description

ဒီနေရာမှာ “မအောင်မြင်ဘူး” ဆိုတာ
၁) လိုအပ်သလောက် user / transaction volume အထိ မတိုးလာတာ ဖြစ်နိုင်သလို
၂) Product ကနေ ပြန်ရတဲ့ အကျိုးအမြတ်က လုံလုံလောက်လောက် profitable မဖြစ်တာလဲ ဖြစ်နိုင်ပါတယ် ။

တကယ်လို့သာ Fail ဖြစ်တဲ့ Product က Startup Company တစ်ခုခုက တည်ဆောက်တာဆိုရင် Product Failure နဲ့ အတူ Startup ကပါ လိုက် fail သွားနိုင်ပါတယ် ။

တစ်ကမ္ဘာလုံးစာ စာရင်းဇယားတွေအရ ပြောရမယ် ဆိုရင် ၉၀% နီးပါး Startup တွေက Fail ကြပါတယ် (Startup တွေ Fail ဖြစ်တဲ့ reason တွေကိုတော့ ကိုယ်လေ့လာဖူးသလောက် သပ်သပ် ထပ်ရေးပါဦးမယ်) ။

Product တွေ ဘာကြောင့် Fail ဖြစ်ရတယ် ဆိုတာကို စာကြောင်း တစ်ကြောင်းထဲနဲ့ ချုံပြီး သုံးသပ်မယ်ဆိုရင် ပုံမှာပြထားသလို သုံးသပ်နိုင်ပါမယ် ။

 

“Because they don’t meet customers’ needs in a way that is better than the other alternatives.” ဖြစ်ပါတယ် ။

 

“ကိုယ့် Product က ကိုယ်ရည်ရွယ်တဲ့ အသုံးပြုသူတွေရဲ့ လိုအပ်ချက်ကို တခြား alternative တွေထပ် ပိုကောင်းတဲ့ ပုံစံမျိုးနဲ့ ပြေလည်အောင် မပြုလုပ်ပေးနိုင်တဲ့ အတွက်ကြောင့်” လို့ ဘာသာပြန်နိုင်မယ် ထင်ပါတယ် ။

Product သမားတွေအတွက် ဒီ စာကြောင်းက မနက်တစ်ခေါက် ညနေတစ်ခေါက် မှန်ကြည့်ပြီး ပြန်ရွတ် ပြန်သုံးသပ်ရမဲ့ စာကြောင်းဖြစ်ပါတယ် ။

ဒီစာကြောင်းကိုပဲ
၁) Customers (ကိုယ်ရည်ရွယ်တဲ့ အသုံးပြုသူတွေ)
၂) Needs (လိုအပ်ချက်တွေ)
၃) Other Alternatives (ကိုယ့် Product က ဖြေရှင်းပေးတဲ့ အရာကို ကိုယ့် Product ကို မသုံးဘဲ ဖြေရှင်းနိုင်တဲ့ တခြားနည်းလမ်းတွေ — ဒီ definition ဟာ “competitor” ဆိုတာထက် ပိုကျယ်ပြန့်တယ် ဆိုတာကို သတိပြုပါ ။
၄) Better Than (Other Alternatives တွေ အကုန်လုံးထက် ပိုသာတဲ့ ပုံစံမျိုးနဲ့) လို့ အစိတ်အပိုင်း ၄ ပိုင်း ပြန်ပိုင်းထုတ်နိုင်ပါမယ် ။

 

ဒီ အစိတ်အပိုင်း တစ်ပိုင်းစီဟာ Product သမားတွေအတွက် သီးသန့်စီ ခွဲပြီး လေ့လာရမဲ့ နားလည်ဖို့ ကြိုးစားရမဲ့ အစိတ်အပိုင်းတွေ ဖြစ်ပါတယ် ။

 

“လိုအပ်ချက် ရှုထောင့် (Need-based)” အပြင် “ပြုမူဆောင်ရွက်နေတဲ့ ပုံစံ ရှုထောင့် (Behavioral)” နဲ့ “အတွေးအမြင် ၊ ယုံကြည်ချက် ၊ ခံစားချက်ပိုင်းဆိုင်ရာ ရှုထောင့် (Psychographics)” တို့နဲ့လဲ “ကိုယ်ရည်ရွယ်တဲ့ အသုံးပြုသူတွေ” ဆိုတဲ့ အပိုင်းကို သရုပ်ခွဲနိုင်ပါသေးတယ် ။

 

Needs (လိုအပ်ချက်တွေ) ဆိုတာနဲ့ ပတ်သတ်ပြီး “ဘာတွေ လိုအပ်နေသလဲ” ဆိုတာကို နားလည်ဖို့လိုသလို “ဘယ်လောက် အရေးတကြီး လိုအပ်နေသလဲ” ၊ “ဘာကြောင့် (ဘယ်လို အတွင်းကျတဲ့ စိတ်ပိုင်းဆိုင်ရာ ခံစားချက်တွေကြောင့်) ဒါကို လိုအပ်နေတာလဲ” ဆိုတာတွေကိုလဲ သေသေချာချာ နားလည်ထားဖို့ လိုပါဦးမယ် ။

 

Other Alternatives ဆိုတဲ့ အပိုင်းမှာ ဆိုရင် Competitor ဆိုတဲ့ သဘောတင်မဟုတ်ဘဲ လက်ရှိ လုပ်နေကိုင်နေတဲ့ Approaches တွေကိုပါ ထည့်သွင်း စဉ်းစားဖို့ လိုမှာ ဖြစ်ပါတယ် ။ Competitor တွေအတွက် Analysis ကို (separate topic) သီးသန့် ပြည့်ပြည့်စုံစုံ လုပ်ဖို့ လိုမှာဖြစ်သလို လက်ရှိ ဆောင်ရွက်နေပုံ Approaches တွေနဲ့ ပတ်သတ်ပြီးလည်း “ဘယ်နေရာတွေမှာ pain point တွေ ရှိနေတာလဲ (ဘယ် pain point တွေက ဘယ်သူတွေအတွက် သည်းမခံနိုင်လောက်အောင် ဖြစ်နေတာလဲ)” ဆိုတာကအစ “ကိုယ်တည်ဆောက်တဲ့ product ကို သုံးရင် လက်ရှိလုပ်နေတဲ့ ပုံစံက ရနေတဲ့ flexibility မျိုး ဘယ်နေရာမှာ မရနိုင်တော့ဘူးလဲ” ဆိုတာကိုပါ သိနေဖို့ လိုအပ်မှာဖြစ်ပါတယ် ။

 

Better Than ဆိုတဲ့ နေရာမှာ အရေးအကြီးဆုံးကတော့ “ဘယ်လောက် ပိုကောင်းလာမှာလဲ” ဆိုတာ ဖြစ်ပါတယ် ။ အသားကျပြီးသား လုပ်တဲ့ကိုင်တဲ့ ပုံစံကနေ ကိုယ့် Product ကို ပြောင်းသုံးပြီး လုပ်ဖို့ ကိုင်ဖို့ ဆိုတာက နည်းနည်းလောက် ပိုကောင်းလာရုံ နဲ့ မလုံလောက်ပါဘူး ။ Benefits ဟာ သိသိသာသာကြီးကို ထင်သာမြင်သာ ရှိနေဖို့ လိုအပ်ပါမယ် ။ ဝါရင့် Product သမားတွေကတော့ (Product လည်ပတ်နိုင်ဖို့ လိုအပ်တဲ့ User ပမာဏလောက်က ပြောင်းသုံးကြဖို့အတွက်ဆိုရင်) 10x လောက်မှ စိတ်ချရမယ်လို့ ပြောကြပါတယ် ။

 

ဒါတောင်မှ ကိုယ်ရည်ရွယ်တဲ့ အသုံးပြုသူတွေက သိပ်မကြာခင်ကမှ ကိုယ့် Product လို အလားသဏ္ဏန်တူ Product တစ်ခုကို ပြောင်းသုံးထားပြီးသားဆို ပိုဆိုးပါတယ် ။ ကိုယ့် Product မှာ အားသားချက်တွေ ရှိနေတယ်ဆိုရင်တောင်မှ တကယ်တန်း အသစ် တစ်ခုကို ထပ်ပြီး ပြောင်းသုံးဖို့အတွက် ဆိုရင် Benefits က သိသိသာသာ များနေမှာ convince ပြုလုပ်နိုင်မှာပါ (“First mover advantage” ဆိုတာ တကယ်တော့ ဒါဘဲ လို့ပဲ ထင်မြင်မိပါတယ်) ။

 

“ဒါဆို ဘယ်လို လုပ်ရမလဲ” ဆိုရင်တော့ အတိုဆုံးအနေနဲ့ ခုနက စာကြောင်းကို ပြောင်းပြန်လုပ်ပြီး “Meet customers’ needs better than other alternatives” လို့ဘဲ ပြောချင်ပါတယ် ။

 

အရှည်ကို ပြည့်ပြည့်ဝဝ နားလည်ဖို့အတွက် ဆိုရင်တော့ စာအုပ် တစ်ဒါဇင်လောက်ကို ကြေကြေညက်ညက် ဖက်နိုင်ဖို့ လိုပါလိမ့်မယ် ။ (Digital) Product ဆိုတာ အမှန်တော့ နည်းပညာ ကုမ္မဏီ တစ်ခုရဲ့ Backbone လို့ ပြောနိုင်တဲ့အပြင် (ပထမဦးဆုံး Product သာဆိုရင်) ဒီ ကုမ္မဏီ ဘယ်လောက် တန်ကြေးရှိမယ် ဘယ်လောက် ရေရှည်တည်တံ့မယ် ဆိုတာကို အဓိက ဆုံးဖြတ်ပေးမဲ့ အရာဖြစ်တဲ့အတွက် ဒါကို အောင်မြင်အောင် တည်ဆောက်နိုင်ဖို့ဆိုတာ “သဘောတရား လေး ငါးခုလောက်ကို နားလည်ရုံ (ကြားဖူးရုံ) နဲ့ ဘယ်လိုမှ ဖြစ်နိုင်မှာ မဟုတ်ဘူး” ဆိုတာ Logically စဉ်းစားကြည့်နိုင်ပါတယ် ။

 

တကယ်တော့ ဘီလီယံပေါင်းများစွာတန်တဲ့ Facebook, Google, Instagram, Viber, စ သမျှ Company တွေအကုန်လုံးဟာ အစမှာ Product တစ်ခုကိုပဲ အောင်မြင်အောင် တည်ဆောက်ခဲ့ကြရတာပဲ ဖြစ်ပါတယ် ။

ဒါကတော့ “ဘာကြောင့် Digital Product တွေ Fail ဖြစ်ရတယ်” ဆိုတာကို အတိုဆုံး ပုံစံ နဲ့ ရှင်းပြကြည့်တာ ပါ ။

Assets